Elektriklə işləyən maşınlardan sonra elektrikli motosikletlər də satışa çıxmağa hazırlaşır. İstiPress-in məlumatına görə, dünyanın ən böyük motosiklet istehsalçısı olan "Harley-Davidson" 2014-cü ildə "LiveWire" konsepti ilə ilk dəfə elektrikli məhsulu təqdim edib. Lakin bu modelin kütləvi istehsalı baş verməyib. Şirkətin CEO-su Metti Levatik təbiət dostu adlanan "Harley-Davidson" motosikletinin iki il ərzində yollara çıxacağını açıqlayıb. Onun sözlərinə görə, "LiveWire" üzərində onu sınamaq şansı qazanan 12 minə yaxın istifadəçinin təəssüratları əsasında yenidən işlənilir. "Elektrikli motosikletimizi 18 ay ərzində bazara çıxarmağa çalışacağıq".